fariyaad kar rahe hain har ek aashna se aap

fariyād kar rahe haiñ har ik āshnā se aap

par māñgte nahīñ kabhī apne ḳhudā se aap

gar ho ḳhatā hamārī sazā deñ hameñ magar

mahrūm to na kījiye apnī du'ā se aap

gar e'tibār aap ko mujh pe nahīñ zarā

phir pūchheñ haal merā sukūt-e-fazā se aap

ik phone aur bas ye rihā.ī huī tamām

kyuuñ ḳhauf khā rahe haiñ yuuñ vaqtī sazā se aap

har baat kī ḳhabar hai har ik chiiz kā pata

shāyad bahut qarīb haiñ bād-e-sabā se aap

Thokar lagī thī raah meñ jis shaḳhs ke sabab

behtar hai kuchh to duur haiñ us rahnumā se aap

'mushtāq' jiit jaa.e na ik baar phir anā

nārāz ham bhī haiñ zarā aur kuchh ḳhafā se aap

fariyaad kar rahe hain har ek aashna se aap

par mangte nahin kabhi apne KHuda se aap

gar ho KHata hamari saza den hamein magar

mahrum to na kijiye apni du'a se aap

gar e'tibar aap ko mujh pe nahin zara

phir puchhen haal mera sukut-e-faza se aap

ek phone aur bas ye rihai hui tamam

kyun KHauf kha rahe hain yun waqti saza se aap

har baat ki KHabar hai har ek chiz ka pata

shayad bahut qarib hain baad-e-saba se aap

Thokar lagi thi rah mein jis shaKHs ke sabab

behtar hai kuchh to dur hain us rahnuma se aap

'mushtaq' jit jae na ek bar phir ana

naraaz hum bhi hain zara aur kuchh KHafa se aap