dard mera hai kuchh dawa hai kuchh
dard merā hai kuchh davā hai kuchh
maiñ ne māñgā thā kuchh milā hai kuchh
hai du'ā kuchh to mudda'ā hai kuchh
dil-e-vahshī tujhe huā hai kuchh
ye mahaktī fazā batātī hai
zikr un kā kahīñ huā hai kuchh
ye jo rang-e-anā hai chehre par
dostoñ se mujhe milā hai kuchh
kashtiyāñ Duub kar batātī haiñ
nā-ḳhudā kuchh hai aur ḳhudā hai kuchh
dil taḌaptā hai aaj phir merā
yā ilāhī unheñ huā hai kuchh
mere dil ko jalāne vaale dekh
terā dāman bhī jal gayā hai kuchh
dard mera hai kuchh dawa hai kuchh
main ne manga tha kuchh mila hai kuchh
hai du'a kuchh to mudda'a hai kuchh
dil-e-wahshi tujhe hua hai kuchh
ye mahakti faza batati hai
zikr un ka kahin hua hai kuchh
ye jo rang-e-ana hai chehre par
doston se mujhe mila hai kuchh
kashtiyan Dub kar batati hain
na-KHuda kuchh hai aur KHuda hai kuchh
dil taDapta hai aaj phir mera
ya ilahi unhen hua hai kuchh
mere dil ko jalane wale dekh
tera daman bhi jal gaya hai kuchh
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
