baras raha hai jo pani siyah ghaTaon se
baras rahā hai jo paanī siyah ghaTāoñ se
bachāyā us ne hī taptī huī fazāoñ se
ye fe'l aap ko le jā.egā bulandī par
'adū ko dost banā lījiye vafāoñ se
ḳhudā ḳhudā hai karegā madad yaqīnan vo
bas aap ḳhauf na khā.eñ kabhī balāoñ se
koī ḳhudā nahīñ aadam hai ḳhaak kā putlā
kahāñ bachā hai koī aadmī ḳhatāoñ se
jo kar rahe haiñ ġharīboñ pe zulm-o-jaur-o-sitam
ḳhudā bachā.e unheñ un kī bad-du'āoñ se
rahīñ jo koshisheñ jaarī to dekhnā 'ātish'
nayā jahān milegā unhīñ ḳhalāoñ se
baras raha hai jo pani siyah ghaTaon se
bachaya us ne hi tapti hui fazaon se
ye fe'l aap ko le jaega bulandi par
'adu ko dost bana lijiye wafaon se
KHuda KHuda hai karega madad yaqinan wo
bas aap KHauf na khaen kabhi balaon se
koi KHuda nahin aadam hai KHak ka putla
kahan bacha hai koi aadmi KHataon se
jo kar rahe hain gharibon pe zulm-o-jaur-o-sitam
KHuda bachae unhen un ki bad-du'aon se
rahin jo koshishen jari to dekhna 'atish'
naya jahan milega unhin KHalaon se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
