le ke dil hae wo un ka mujhe samjha jaana

le ke dil haa.e vo un kā mujhe samjhā jaanā

'āshiqī kī hai to sadmoñ se na ghabrā jaanā

dam to lo sub.h to ho phir tumheñ rokūñ to kaho

aur kyā kahte ho kahtā to huuñ jaanā jaanā

tū hī achchhā hai burā mujh ko samajhne vaale

haañ burā maiñ huuñ ki maiñ ne tujhe achchhā jaanā

yuuñ to marte hī chale jaate haiñ marne vaale

maut us kī hai tumheñ jis ne masīhā jaanā

vo mujhe dost na samjhe to 'qamar' kyā samjhe

ġhair ko ġhair na jaanā to bhalā kyā jaanā

le ke dil hae wo un ka mujhe samjha jaana

'ashiqi ki hai to sadmon se na ghabra jaana

dam to lo subh to ho phir tumhein rokun to kaho

aur kya kahte ho kahta to hun jaana jaana

tu hi achchha hai bura mujh ko samajhne wale

han bura main hun ki main ne tujhe achchha jaana

yun to marte hi chale jate hain marne wale

maut us ki hai tumhein jis ne masiha jaana

wo mujhe dost na samjhe to 'qamar' kya samjhe

ghair ko ghair na jaana to bhala kya jaana