dil mera be-qarar ab bhi hai

dil mirā be-qarār ab bhī hai

chāñd kā intizār ab bhī hai

'ishq sar par savār kal bhī thā

'āshiqī kā ḳhumār ab bhī hai

kyā karūñ zikr dostoñ kā maiñ

pusht pe ek vaar ab bhī hai

jis ko sun kar vo lauT aa.e the

she'r vo shāhkār ab bhī hai

us ke baare meñ kuchh nahīñ kahnā

vo mirā ġham-gusār ab bhī hai

chāhe kitnā ho terā naam ūñchā

zālimoñ meñ shumār ab bhī hai

dushmanī khul ke kyuuñ nahīñ karte

dostī dāġh-dār ab bhī hai

ek muddat se diid kā 'mushtāq'

ye tirā ḳhāksār ab bhī hai

dil mera be-qarar ab bhi hai

chand ka intizar ab bhi hai

'ishq sar par sawar kal bhi tha

'ashiqi ka KHumar ab bhi hai

kya karun zikr doston ka main

pusht pe ek war ab bhi hai

jis ko sun kar wo lauT aae the

she'r wo shahkar ab bhi hai

us ke bare mein kuchh nahin kahna

wo mera gham-gusar ab bhi hai

chahe kitna ho tera nam uncha

zalimon mein shumar ab bhi hai

dushmani khul ke kyun nahin karte

dosti dagh-dar ab bhi hai

ek muddat se did ka 'mushtaq'

ye tera KHaksar ab bhi hai