aisi haalat mein dar-ba-dar mere dost

aisī hālat meñ dar-ba-dar mire dost

yuuñ hī phirnā hai 'umr bhar mire dost

us kā mumkin nahīñ palaT aanā

mujh ko mā'lūm hai magar mire dost

rāh-e-dil meñ ye sar to kyā shai hai

ham luTāte haiñ ghar kā ghar mire dost

apnī bāñhoñ ko oḌhne de mujhe

mujh ko lagne lagā hai Dar mire dost

zindagī yuuñ bhī tere baa'd kahīñ

kaT hī jaanī hai be-samar mire dost

tū mohabbat hai pai-ba-pai mirī jaañ

maiñ ki vahshat huuñ sar-ba-sar mire dost

raftagāñ lauT kar nahīñ aate

phir bhī lauT aa.e tum agar mire dost

chal ki muddat hue hai ghar ko ga.e

chal naañ chalte haiñ zid na kar mire dost

aisi haalat mein dar-ba-dar mere dost

yun hi phirna hai 'umr bhar mere dost

us ka mumkin nahin palaT aana

mujh ko ma'lum hai magar mere dost

rah-e-dil mein ye sar to kya shai hai

hum luTate hain ghar ka ghar mere dost

apni banhon ko oDhne de mujhe

mujh ko lagne laga hai Dar mere dost

zindagi yun bhi tere ba'd kahin

kaT hi jaani hai be-samar mere dost

tu mohabbat hai pai-ba-pai meri jaan

main ki wahshat hun sar-ba-sar mere dost

raftagan lauT kar nahin aate

phir bhi lauT aae tum agar mere dost

chal ki muddat hue hai ghar ko gae

chal nan chalte hain zid na kar mere dost