Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aise kahan nasib ki hon ham-kanar-e-dost

Niyaz Fatehpuri

aise kahan nasib ki hon ham-kanar-e-dost

Niyaz Fatehpuri

MORE BYNiyaz Fatehpuri

    aise kahāñ nasīb ki hoñ ham-kanār-e-dost

    qaa.em rahe kahīñ ḳhalish-e-intizār-e-dost

    ik guuna dil ko mere sukūñ ho chalā thā phir

    ye tū ne kyā kiyā nigah-e-be-qarār-e-dost

    sab shikve dil ke miT ga.e bas ik javāb meñ

    uf re fareb-e-vā'da-e-nā-ustuvār-e-dost

    ġhurbat ke din bhī kaT hī ga.e ḳhair shukr hai

    achchhā mirā salām le yād-e-dayār-e-dost

    yaañ har ḳhalish junūñ-kada-e-iztirāb-e-dil

    vaañ har nigah karishma-e-be-iḳhtiyār-e-dost

    ai vaa.e sad-hazār tamannā-e-muztarib

    ḳhalvat meñ bhī vahī hai fareb-e-vaqār-e-dost

    go ham ne laakh kaam liyā zabt se 'niyāz'

    pahchān hī ga.ī nigah-e-hoshyār-e-dost

    aise kahan nasib ki hon ham-kanar-e-dost

    qaem rahe kahin KHalish-e-intizar-e-dost

    ek guna dil ko mere sukun ho chala tha phir

    ye tu ne kya kiya nigah-e-be-qarar-e-dost

    sab shikwe dil ke miT gae bas ek jawab mein

    uf re fareb-e-wa'da-e-na-ustuwar-e-dost

    ghurbat ke din bhi kaT hi gae KHair shukr hai

    achchha mera salam le yaad-e-dayar-e-dost

    yan har KHalish junun-kada-e-iztirab-e-dil

    wan har nigah karishma-e-be-iKHtiyar-e-dost

    ai wae sad-hazar tamanna-e-muztarib

    KHalwat mein bhi wahi hai fareb-e-waqar-e-dost

    go hum ne lakh kaam liya zabt se 'niyaz'

    pahchan hi gai nigah-e-hoshyar-e-dost

    Tagged Under

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning

    Jashn-e-Rekhta 11th Edition | 29-30-31 Jan, 2027 Buy Tickets

    Speak Now