jangal ke us taraf na pari hai na hur hai

jangal ke us taraf na parī hai na huur hai

koī na koī zaat magar bizzarūr hai

ye kaisī tez dhuup hai bastī ke us taraf

har koī apne saa.e se kyuuñ duur duur hai

ye kyā ki sab ne pī hī liye ghūñT sabr ke

achchhā hai merā panchhī abhī nā-subūr hai

phir us ke por por se risne lagā lahū

siine meñ merā aa.ina phir chuur chuur hai

sarsoñ ke ek khet pe kaalī ghaTā kā bojh

ik chashm-e-ābnūs ke andar hī nuur hai

'bāsit' vo sirf aañkh kī putlī kā khel thā

muusā vahī hai aur vahī koh-e-tūr hai

jangal ke us taraf na pari hai na hur hai

koi na koi zat magar bizzarur hai

ye kaisi tez dhup hai basti ke us taraf

har koi apne sae se kyun dur dur hai

ye kya ki sab ne pi hi liye ghunT sabr ke

achchha hai mera panchhi abhi na-subur hai

phir us ke por por se risne laga lahu

sine mein mera aaina phir chur chur hai

sarson ke ek khet pe kali ghaTa ka bojh

ek chashm-e-abnus ke andar hi nur hai

'basit' wo sirf aankh ki putli ka khel tha

musa wahi hai aur wahi koh-e-tur hai