rashk aata hai is zamane par
rashk aatā hai is zamāne par
log rote the dukh sunāne par
koī pūchhe to dil dukhāne par
kyā guzartī hai ik divāne par
us ke dar par hī mere jaisoñ kī
sar-bulandī hai sar jhukāne par
merī hastī to ik gharauñda hai
TuuT jā.egī phir banāne par
rūThte haiñ vo be-sabab lekin
maan jaate haiñ phir manāne par
mai-kade meñ charāġh raushan hai
tīrgī hai kitāb-ḳhāne par
kyā sabab hai ki sar mirā mujh ko
bojh lagtā hai mere shāne par
rashk aata hai is zamane par
log rote the dukh sunane par
koi puchhe to dil dukhane par
kya guzarti hai ek diwane par
us ke dar par hi mere jaison ki
sar-bulandi hai sar jhukane par
meri hasti to ek gharaunda hai
TuT jaegi phir banane par
ruThte hain wo be-sabab lekin
man jate hain phir manane par
mai-kade mein charagh raushan hai
tirgi hai kitab-KHane par
kya sabab hai ki sar mera mujh ko
bojh lagta hai mere shane par
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
