milne ko har ek bazm mein farzane milenge

milne ko har ik bazm meñ farzāne mileñge

ham jaise kahāñ aap ko dīvāne mileñge

tārīḳh-e-musāvāt ke aurāq to dekho

har baab meñ tum ko mire afsāne mileñge

jab aa.egā gulshan ko lahū dene kā mausam

do chaar qadam aage hī dīvāne mileñge

saaqī tirī maḳhmūr-nigāhī kī qasam hai

mastī meñ hamesha tire mastāne mileñge

ye shahr-e-junūñ-ḳhez hai is shahr meñ logo

har gaam pe har moḌ pe dīvāne mileñge

saaqī kī 'ināyat kī baḌī dhuum hai lekin

mahfil meñ tahī aap ko paimāne mileñge

gulshan kā faqat ek hī ruḳh dekhne vaalo

ehsās ko lau doge to vīrāne mileñge

milne ko har ek bazm mein farzane milenge

hum jaise kahan aap ko diwane milenge

tariKH-e-musawat ke auraq to dekho

har bab mein tum ko mere afsane milenge

jab aaega gulshan ko lahu dene ka mausam

do chaar qadam aage hi diwane milenge

saqi teri maKHmur-nigahi ki qasam hai

masti mein hamesha tere mastane milenge

ye shahr-e-junun-KHez hai is shahr mein logo

har gam pe har moD pe diwane milenge

saqi ki 'inayat ki baDi dhum hai lekin

mahfil mein tahi aap ko paimane milenge

gulshan ka faqat ek hi ruKH dekhne walo

ehsas ko lau doge to virane milenge