lazzaton ke darmiyan KHauf-o-KHatar achchha laga
lazzatoñ ke darmiyāñ ḳhauf-o-ḳhatar achchhā lagā
pyaar ke is khel meñ vo be-hunar achchhā lagā
jāda-o-manzil na the hairāniyoñ ke the paḌāv
bas bhaTakne ke liye thā ik safar achchhā lagā
jagmagāte shahr kī dīvāngī ke darmiyāñ
sūfiyoñ kī be-niyāzī sā khañDar achchhā lagā
bad-salīqa lā-ubālī bāvlā phakkaḌ-mizāj
ab use jo chāhe keh leñ vo magar achchhā lagā
merī 'arz-e-shauq par bolā vo bhole-pan se yuuñ
phir kareñge kyā hameñ sab kuchh agar achchhā lagā
lazzaton ke darmiyan KHauf-o-KHatar achchha laga
pyar ke is khel mein wo be-hunar achchha laga
jada-o-manzil na the hairaniyon ke the paDaw
bas bhaTakne ke liye tha ek safar achchha laga
jagmagate shahr ki diwangi ke darmiyan
sufiyon ki be-niyazi sa khanDar achchha laga
bad-saliqa la-ubaali bawla phakkaD-mizaj
ab use jo chahe keh len wo magar achchha laga
meri 'arz-e-shauq par bola wo bhole-pan se yun
phir karenge kya hamein sab kuchh agar achchha laga
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
