jo bhi diwane hote hain

jo bhī dīvāne hote haiñ

biij mohabbat kā bote haiñ

'ishq varā-e-sūd-o-ziyāñ hai

kyā paate haiñ kyā khote haiñ

duniyā se kyā aas madad kī

apnī musībat ḳhud Dhote haiñ

tum kyā jaano hijr ke maare

kitnī mushkil se sote haiñ

jīte-jī kuchh qadr karoge

marne par to sab rote haiñ

mere kuchh ham-'asr to jaise

'mīr'-o-'ġhālib' ke pote haiñ

hijr meñ ye hālat hai 'sahar' kī

ashkoñ se chehra dhote haiñ

jo bhi diwane hote hain

bij mohabbat ka bote hain

'ishq wara-e-sud-o-ziyan hai

kya pate hain kya khote hain

duniya se kya aas madad ki

apni musibat KHud Dhote hain

tum kya jaano hijr ke mare

kitni mushkil se sote hain

jite-ji kuchh qadr karoge

marne par to sab rote hain

mere kuchh ham-'asr to jaise

'mir'-o-'ghaalib' ke pote hain

hijr mein ye haalat hai 'sahar' ki

ashkon se chehra dhote hain