jab se aashufta-sari ke uDe afsane chand
jab se āshufta-sarī ke uḌe afsāne chand
mujh ko har gaam hī aane lage samjhāne chand
jaane kaisī hai kashish aap ke ḳhutboñ meñ huzūr
roz aa jaate haiñ is bazm meñ dīvāne chand
ab ḳhudā jaane kahāñ jā ke baseñge kuchh log
ab ke āñdhī ne uḌā Daale haiñ kāshāne chand
har ghaḌī girya-o-zārī kī sadā aatī hai
dil ke is shahr meñ sajte haiñ 'azā-ḳhāne chand
merā sukh chain mirī niiñd dhaḌaktā huā dil
aap ke qadmoñ meñ rakkhe haiñ ye nazrāne chand
chaltī hai fatvoñ kī talvār ḳhudā ḳhair kare
shaiḳh kī bazm meñ aa baiThe haiñ mastāne chand
phir binā pūchhe hī batlāte haiñ rasta 'az.har'
phir lage mujh ko mirī raah se bhaTkāne chand
jab se aashufta-sari ke uDe afsane chand
mujh ko har gam hi aane lage samjhane chand
jaane kaisi hai kashish aap ke KHutbon mein huzur
roz aa jate hain is bazm mein diwane chand
ab KHuda jaane kahan ja ke basenge kuchh log
ab ke aandhi ne uDa Dale hain kashane chand
har ghaDi girya-o-zari ki sada aati hai
dil ke is shahr mein sajte hain 'aza-KHane chand
mera sukh chain meri nind dhaDakta hua dil
aap ke qadmon mein rakkhe hain ye nazrane chand
chalti hai fatwon ki talwar KHuda KHair kare
shaiKH ki bazm mein aa baiThe hain mastane chand
phir bina puchhe hi batlate hain rasta 'azhar'
phir lage mujh ko meri rah se bhaTkane chand
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
