gori ab tu aap samajh le hum sajan ya dushman hain

gorī ab tū aap samajh le ham sājan yā dushman haiñ

gorī tū hai jism hamārā ham terā pairāhan haiñ

nagrī nagrī ghuum rahe haiñ saḳhiyo achchhā mauqa' hai

rūp-sarūp kī bhikshā de do ham to phailā dāman haiñ

tere chākar ho kar paayā dard bahut rusvā.ī bahut

tujh se the ye Take kamā.e aaj tujhī ko arpan haiñ

logo maile tan man dhan kī ham ko saḳht manāhī hai

logo ham is chhūt se bhāgeñ ham to khare barahman haiñ

pūchho khel banāne vaale pūchho khelne vaale se

ham kyā jāneñ kis kī baazī ham jo patte bāvan haiñ

sahrā se jo phuul chune the un se ruuh mo'attar hai

ab jo ḳhaar sameTā chāheñ bastī bastī gulshan haiñ

do do buuñd ko apnī khetī tarsī hai aur tarsegī

kahne ko to dost hamāre bhādoñ haiñ aur sāvan haiñ

gori ab tu aap samajh le hum sajan ya dushman hain

gori tu hai jism hamara hum tera pairahan hain

nagri nagri ghum rahe hain saKHiyo achchha mauqa' hai

rup-sarup ki bhiksha de do hum to phaila daman hain

tere chaakar ho kar paya dard bahut ruswai bahut

tujh se the ye Take kamae aaj tujhi ko arpan hain

logo maile tan man dhan ki hum ko saKHt manahi hai

logo hum is chhut se bhagen hum to khare barahman hain

puchho khel banane wale puchho khelne wale se

hum kya jaanen kis ki bazi hum jo patte bawan hain

sahra se jo phul chune the un se ruh mo'attar hai

ab jo KHar sameTa chahen basti basti gulshan hain

do do bund ko apni kheti tarsi hai aur tarsegi

kahne ko to dost hamare bhadon hain aur sawan hain