ab ke gulshan mein wo aasar nazar aae hain
ab ke gulshan meñ vo āsār nazar aa.e haiñ
dekh ḳhāshāk bhī gulnār nazar aa.e haiñ
jin se raushan hai zamāne meñ ḳhirad kī qindīl
vahī dīvāne sar-e-dār nazar aa.e haiñ
hil na jaa.e kahīñ ye qasr-e-sitam kī buniyād
surḳh saa.e pas-e-dīvār nazar aa.e haiñ
aaj fitrat kī kahīñ rasm-e-kuhan TuuTī hai
raqs meñ kūcha-o-bāzār nazar aa.e haiñ
bazm-e-sāqī meñ kahīñ jām-ba-kaf haiñ 'hindī'
razm-gah meñ kahīñ talvār nazar aa.e haiñ
ab ke gulshan mein wo aasar nazar aae hain
dekh KHashak bhi gulnar nazar aae hain
jin se raushan hai zamane mein KHirad ki qindil
wahi diwane sar-e-dar nazar aae hain
hil na jae kahin ye qasr-e-sitam ki buniyaad
surKH sae pas-e-diwar nazar aae hain
aaj fitrat ki kahin rasm-e-kuhan TuTi hai
raqs mein kucha-o-bazar nazar aae hain
bazm-e-saqi mein kahin jam-ba-kaf hain 'hindi'
razm-gah mein kahin talwar nazar aae hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
