tahzib badli sab ke saliqe badal gaye
tahzīb badlī sab ke salīqe badal gaye
ikkīsvīñ sadī meñ ye bande badal gaye
mayyit uThāte vaqt vo kāñdhe badal gaye
mardoñ ko dekhne ke nazariye badal gaye
girgiT se tez log badalte haiñ rang-rūp
kitne zarā se vaqt meñ chehre badal gaye
phir rah ga.ī adhūrī musalsal ġhazal mirī
aa.ī jo zehn meñ to ye misre' badal gaye
nazreñ kahāñ milāte haiñ vo mujh se āj-kal
paise kā zo'm hone se lahje badal gaye
us ke nagar Thahar ke ye mā'lūm ho gayā
darvāze sab qadīm haiñ parde badal gaye
tahzib badli sab ke saliqe badal gaye
ikkiswin sadi mein ye bande badal gaye
mayyit uThate waqt wo kandhe badal gaye
mardon ko dekhne ke nazariye badal gaye
girgiT se tez log badalte hain rang-rup
kitne zara se waqt mein chehre badal gaye
phir rah gai adhuri musalsal ghazal meri
aai jo zehn mein to ye misre' badal gaye
nazren kahan milate hain wo mujh se aaj-kal
paise ka zo'm hone se lahje badal gaye
us ke nagar Thahar ke ye ma'lum ho gaya
darwaze sab qadim hain parde badal gaye
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
