kahne ko uske paon hai shohrat paDi hui
kahne ko us ke paaoñ hai shohrat paḌī huī
lekin hai ruḳh pe gard-e-malāmat paḌī huī
maiñ us dukāñ se raah badal kar nikal gayā
jis meñ thī mere ghar kī zarūrat paḌī huī
ye ashk haiñ zamīñ pe girāte ho kis liye
sajtī nahīñ zamīñ pe ye daulat paḌī huī
niiñd aa rahī hai rah meñ ghanī chhāñv dekh kar
lekin abhī bahut hai masāfat paḌī huī
mujh ko bhī us saḌak se guzarnā zarūr hai
us raah ko bhī hai mirī 'ādat paḌī huī
kis baat par ham apnī anā bech deñ 'zahīr'
aisī bhī kaun sī hai musībat paḌī huī
kahne ko us ke paon hai shohrat paDi hui
lekin hai ruKH pe gard-e-malamat paDi hui
main us dukan se rah badal kar nikal gaya
jis mein thi mere ghar ki zarurat paDi hui
ye ashk hain zamin pe giraate ho kis liye
sajti nahin zamin pe ye daulat paDi hui
nind aa rahi hai rah mein ghani chhanw dekh kar
lekin abhi bahut hai masafat paDi hui
mujh ko bhi us saDak se guzarna zarur hai
us rah ko bhi hai meri 'adat paDi hui
kis baat par hum apni ana bech den 'zahir'
aisi bhi kaun si hai musibat paDi hui
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
