ijz aur inkisar dekha hai

'ijz aur inkisār dekhā hai

barsar-e-eqtidār dekhā hai

phir bhī dil ye nahīñ bharā apnā

dekhā aur baar baar dekhā hai

tere chehre pe phuul ke jaise

jab bhī dekhā nikhār dekhā hai

ham ne dekhe haiñ lahje fir’aunī

daulatoñ kā ḳhumār dekhā hai

jis pe tasvīr thī na 'aurat kī

aaj ik ishtihār dekhā hai

har gale meñ 'buḳhārī' jī ham ne

ġhurbatoñ kā hī haar dekhā hai

ham ne maañ kī du'āoñ kā 'āsim'

gird apne hisār dekhā hai

'ijz aur inkisar dekha hai

barsar-e-eqtidar dekha hai

phir bhi dil ye nahin bhara apna

dekha aur bar bar dekha hai

tere chehre pe phul ke jaise

jab bhi dekha nikhaar dekha hai

hum ne dekhe hain lahje fir’auni

daulaton ka KHumar dekha hai

jis pe taswir thi na 'aurat ki

aaj ek ishtihaar dekha hai

har gale mein 'buKHari' ji hum ne

ghurbaton ka hi haar dekha hai

hum ne man ki du'aon ka 'asim'

gird apne hisar dekha hai