dil ko yun dard-e-mir khinchta hai
dil ko yuuñ dard-e-mīr khīñchtā hai
kashf jaise faqīr khīñchtā hai
mujh pe tohmat uchhālne vaalā
aa.ine par lakīr khīñchtā hai
ḳhud nishāna chalā hai tiir ke paas
yā nishāne ko tiir khīñchtā hai
jab bhī kartā huuñ zarf kā saudā
mujh ko merā zamīr khīñchtā hai
dast-e-muflis to nā-tavāñ hai 'na'īm'
māl-o-zar to amiir khīñchtā hai
dil ko yun dard-e-mir khinchta hai
kashf jaise faqir khinchta hai
mujh pe tohmat uchhaalne wala
aaine par lakir khinchta hai
KHud nishana chala hai tir ke pas
ya nishane ko tir khinchta hai
jab bhi karta hun zarf ka sauda
mujh ko mera zamir khinchta hai
dast-e-muflis to na-tawan hai 'na'im'
mal-o-zar to amir khinchta hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
