husn ki ab aur kuchh tamsil honi chahiye
husn kī ab aur kuchh tamsīl honī chāhiye
un kī āñkhoñ kī tarah ik jhiil honī chāhiye
dasht meñ do kursiyāñ ik mez aur taaza gulāb
rū-barū ham darmiyāñ qindīl honī chāhiye
is kahānī meñ sabhī kyuuñ 'ishq se be-zār haiñ
ye kahānī ab zarā tabdīl honī chāhiye
'ishq meñ mahbūb ko hāsil hai vo aa'lā maqām
jo kahe vo hukm hai tā'mīl honī chāhiye
ik ḳhayālī shaḳhs mere ḳhvāb meñ aatā rahā
is haqīqat kī kahīñ tashkīl honī chāhiye
husn ki ab aur kuchh tamsil honi chahiye
un ki aankhon ki tarah ek jhil honi chahiye
dasht mein do kursiyan ek mez aur taza gulab
ru-baru hum darmiyan qindil honi chahiye
is kahani mein sabhi kyun 'ishq se be-zar hain
ye kahani ab zara tabdil honi chahiye
'ishq mein mahbub ko hasil hai wo aa'la maqam
jo kahe wo hukm hai ta'mil honi chahiye
ek KHayali shaKHs mere KHwab mein aata raha
is haqiqat ki kahin tashkil honi chahiye
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
