Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hasti fana mein hai ki baqa mein pata mile

Yusuf Zafar

hasti fana mein hai ki baqa mein pata mile

Yusuf Zafar

MORE BYYusuf Zafar

    hastī fanā meñ hai ki baqā meñ patā mile

    ham jū-e-kohsār the dariyā meñ jā mile

    jā.ūñ kidhar ki dasht-e-tamannā meñ har taraf

    mujh ko ḳhud apne naqsh-e-qadam jā-ba-jā mile

    har baar un se pahlī mulāqāt kā gumāñ

    har martaba ye vahm ki ham bārhā mile

    dil-sāz dard-o-ġham hī sahī chheḌ kar to dekh

    mumkin hai us meñ tujh ko ḳhud apnī sadā mile

    ham ko haram meñ bhī na rahā bandagī kā hosh

    DhūñDā kiye ki un kā kahīñ naqsh-e-pā mile

    maiñ aur jamāl-e-dost kī tauhīn al-amāñ

    kaise kahūñ ki ik dil-e-be-mudda'ā mile

    yādoñ kā silsila hai ki ashk-e-ravāñ 'zafar'

    the kaise kaise dost jo miTTī meñ jā mile

    hasti fana mein hai ki baqa mein pata mile

    hum ju-e-kohsar the dariya mein ja mile

    jaun kidhar ki dasht-e-tamanna mein har taraf

    mujh ko KHud apne naqsh-e-qadam ja-ba-ja mile

    har bar un se pahli mulaqat ka guman

    har martaba ye wahm ki hum barha mile

    dil-saz dard-o-gham hi sahi chheD kar to dekh

    mumkin hai us mein tujh ko KHud apni sada mile

    hum ko haram mein bhi na raha bandagi ka hosh

    DhunDa kiye ki un ka kahin naqsh-e-pa mile

    main aur jamal-e-dost ki tauhin al-aman

    kaise kahun ki ek dil-e-be-mudda'a mile

    yaadon ka silsila hai ki ashk-e-rawan 'zafar'

    the kaise kaise dost jo miTTi mein ja mile

    Tagged Under

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning

    Jashn-e-Rekhta 11th Edition | 29-30-31 Jan, 2027 Buy Tickets

    Speak Now