arz-o-sama mein ishq hi ek la-zawal hai
arz-o-samā meñ 'ishq hī ik lā-zavāl hai
kyuuñ ai jamāl-e-yār tirā kyā ḳhayāl hai
zindān-o-gulsitāñ meñ bahut fāsla na thā
bād-e-sabā payām na laa.ī kamāl hai
dast-e-sabā kā lutf hai pāband-e-gulsitāñ
dasht-e-vafā tak us kā pahuñchnā muhāl hai
chaltā hai do qadam vo idhar do qadam udhar
us kā yahī chalan hai yahī us kī chaal hai
jazbāt toḌ deñ na kahīñ mehr-e-zabt-e-dil
us kī nazar hai yā koī dast-e-savāl hai
arz-o-sama mein 'ishq hi ek la-zawal hai
kyun ai jamal-e-yar tera kya KHayal hai
zindan-o-gulsitan mein bahut fasla na tha
baad-e-saba payam na lai kamal hai
dast-e-saba ka lutf hai paband-e-gulsitan
dasht-e-wafa tak us ka pahunchna muhaal hai
chalta hai do qadam wo idhar do qadam udhar
us ka yahi chalan hai yahi us ki chaal hai
jazbaat toD den na kahin mehr-e-zabt-e-dil
us ki nazar hai ya koi dast-e-sawal hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
