rakhta hai zahiran jise zindan bandh kar

rakhtā hai zāhiran jise zindān bāñdh kar

zanjīr-e-pā se baiThā hai aivān bāñdh kar

kis kis adā se us ne banāyā mujhe asiir

bāñhoñ ko khol kar kabhī paimān bāñdh kar

aayā to jhūmtā rahā dariyā kī naaf meñ

laayā thā apne saath jo tūfān bāñdh kar

girheñ na khol pā.ūñgā maiñ jāntā hai vo

dil meñ hī chhoḌ jā.egā sāmān bāñdh kar

lauT aayā ek mauj-e-'arīza bahā ke maiñ

dariyā se terī pyaas kā armān bāñdh kar

minnat ke dhāge se merī qismat nahīñ khulī

aayā huuñ ab ki chaak garebān bāñdh kar

pindār us kī yaad ke pīchhe paḌā thā 'aun'

ik samt rakh diyā hai ye haivān bāñdh kar

rakhta hai zahiran jise zindan bandh kar

zanjir-e-pa se baiTha hai aiwan bandh kar

kis kis ada se us ne banaya mujhe asir

banhon ko khol kar kabhi paiman bandh kar

aaya to jhumta raha dariya ki naf mein

laya tha apne sath jo tufan bandh kar

girhen na khol paunga main jaanta hai wo

dil mein hi chhoD jaega saman bandh kar

lauT aaya ek mauj-e-'ariza baha ke main

dariya se teri pyas ka arman bandh kar

minnat ke dhage se meri qismat nahin khuli

aaya hun ab ki chaak gareban bandh kar

pindar us ki yaad ke pichhe paDa tha 'aun'

ek samt rakh diya hai ye haiwan bandh kar