KHalwat-e-jaan ek sukut-e-jawedan sa ho gaya
ḳhalvat-e-jāñ ik sukūt-e-jāvedāñ sā ho gayā
har taraf ik ḳhush-numā.ī kā samāñ sā ho gayā
qatra jab dariyā meñ Duubā sar-ba-sar dariyā huā
aab kā zarra bhī ab bahr-e-ravāñ sā ho gayā
raushnī kī justujū meñ chalte chalte yuuñ lagā
har añdherā bhī charāġhoñ kā nishāñ sā ho gayā
dard jab bhī dil se guzrā soz baḌhtā hī gayā
bujh chukā thā ek sho'la phir javāñ sā ho gayā
gosha-e-jāñ se pukārā jab use to yuuñ lagā
fāsla miTne lagā vo nafs-e-jāñ sā ho gayā
us kī har ik baat par dil ko huā aisā yaqīñ
merā har ik vasvasa ab rā.egāñ sā ho gayā
KHalwat-e-jaan ek sukut-e-jawedan sa ho gaya
har taraf ek KHush-numai ka saman sa ho gaya
qatra jab dariya mein Duba sar-ba-sar dariya hua
aab ka zarra bhi ab bahr-e-rawan sa ho gaya
raushni ki justuju mein chalte chalte yun laga
har andhera bhi charaghon ka nishan sa ho gaya
dard jab bhi dil se guzra soz baDhta hi gaya
bujh chuka tha ek sho'la phir jawan sa ho gaya
gosha-e-jaan se pukara jab use to yun laga
fasla miTne laga wo nafs-e-jaan sa ho gaya
us ki har ek baat par dil ko hua aisa yaqin
mera har ek waswasa ab raegan sa ho gaya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
