hai jin mein azm wo be-ja sahaara chhoD dete hain

hai jin meñ 'azm vo be-jā sahārā chhoḌ dete haiñ

jinheñ dariyā meñ jiinā hai kināra chhoḌ dete haiñ

muḳhālif jo haiñ bātil ke vo tūfāñ se nahīñ Darte

husūl-e-haq kī chāhat meñ safīnā chhoḌ dete haiñ

jinheñ kahne pe qudrat hai vo kahte haiñ salīqe se

ġhazal ke darmiyāñ koī ishāra chhoḌ dete haiñ

chale jaate haiñ aksar chāñd kī jānib vo katrā kar

zamīñ par rahne vāloñ ko taḌaptā chhoḌ dete haiñ

bahāyā qāfila-bandī meñ jis ne ḳhūn-e-dil apnā

usī ko qāfile vaale akelā chhoḌ dete haiñ

haiñ kuchh naqqād aise bhī ki jo tah tak nahīñ jaate

havāshī dekhte haiñ matn saarā chhoḌ dete haiñ

kisī nukte pe vo 'e'jāz' sanjīda nahīñ hote

masā.il ko banā kar ik tamāsha chhoḌ dete haiñ

hai jin mein 'azm wo be-ja sahaara chhoD dete hain

jinhen dariya mein jina hai kinara chhoD dete hain

muKHalif jo hain baatil ke wo tufan se nahin Darte

husul-e-haq ki chahat mein safina chhoD dete hain

jinhen kahne pe qudrat hai wo kahte hain saliqe se

ghazal ke darmiyan koi ishaara chhoD dete hain

chale jate hain aksar chand ki jaanib wo katra kar

zamin par rahne walon ko taDapta chhoD dete hain

bahaya qafila-bandi mein jis ne KHun-e-dil apna

usi ko qafile wale akela chhoD dete hain

hain kuchh naqqad aise bhi ki jo tah tak nahin jate

hawashi dekhte hain matn sara chhoD dete hain

kisi nukte pe wo 'e'jaz' sanjida nahin hote

masail ko bana kar ek tamasha chhoD dete hain