ghar jo dariya ke kinare pe bana hota hai
ghar jo dariyā ke kināre pe banā hotā hai
us ko mā'lūm hai tūfān se kyā hotā hai
Dar satātā hai mujhe sang-ba-dastoñ kā bahut
jab mire hāthoñ meñ miTTī kā ghaḌā hotā hai
sab tire naam kī tasbīh batāte haiñ use
muñh se mad-hoshī meñ jo lafz adā hotā hai
kyā kahā hañstī huī aañkh se aañsū bahnā
ye tamāshā mirī āñkhoñ meñ sadā hotā hai
din to kuchh aap se kuchh un se bitā letā huuñ
raat aatī hai to mat pūchhiye kyā hotā hai
merī rotī huī āñkhoñ ko zarā ġhaur se dekh
ḳhuun aañsū meñ murādoñ kā milā hotā hai
ik suhāgan ye baḌe maan se bolī 'nāsir'
haath se aartī chhūTe to burā hotā hai
ghar jo dariya ke kinare pe bana hota hai
us ko ma'lum hai tufan se kya hota hai
Dar satata hai mujhe sang-ba-daston ka bahut
jab mere hathon mein miTTi ka ghaDa hota hai
sab tere nam ki tasbih batate hain use
munh se mad-hoshi mein jo lafz ada hota hai
kya kaha hansti hui aankh se aansu bahna
ye tamasha meri aankhon mein sada hota hai
din to kuchh aap se kuchh un se bita leta hun
raat aati hai to mat puchhiye kya hota hai
meri roti hui aankhon ko zara ghaur se dekh
KHun aansu mein muradon ka mila hota hai
ek suhagan ye baDe man se boli 'nasir'
hath se aarti chhuTe to bura hota hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
