dil ke matam mein agar main su-e-dariya dekhta

dil ke mātam meñ agar maiñ sū-e-dariyā dekhtā

mauj kī bikhrī huī zulf-e-chalīpā dekhtā

iltihāb itnā tap-e-ġham kā mujhe kartā buland

nabz merī bām-e-gardūñ par masīhā dekhtā

shukr kartā huuñ ki sauñpā ḳhaak meñ 'uryāñ badan

kyā qalaq hotā kafan jis roz mailā dekhtā

zinda be-asbābī-e-duniyā se huuñ ai daur-e-charḳh

mar gayā hotā kafan jis din muhayyā dekhtā

hijr meñ bālīñ pe ai dil maut hī aa baiThtī

koī to mere taḌapne kā tamāshā dekhtā

un kī marzī thī ki ḳhush hotā jalā ke dil ko maiñ

phūñktā ḳhud apne dil ko ḳhud tamāshā dekhtā

shaam hote paḌ rahā zanjīr dar kī kar ke band

aane vaalā kaun thā kis kā maiñ rasta dekhtā

dil ke matam mein agar main su-e-dariya dekhta

mauj ki bikhri hui zulf-e-chalipa dekhta

iltihab itna tap-e-gham ka mujhe karta buland

nabz meri baam-e-gardun par masiha dekhta

shukr karta hun ki saunpa KHak mein 'uryan badan

kya qalaq hota kafan jis roz maila dekhta

zinda be-asbabi-e-duniya se hun ai daur-e-charKH

mar gaya hota kafan jis din muhayya dekhta

hijr mein baalin pe ai dil maut hi aa baiThti

koi to mere taDapne ka tamasha dekhta

un ki marzi thi ki KHush hota jala ke dil ko main

phunkta KHud apne dil ko KHud tamasha dekhta

sham hote paD raha zanjir dar ki kar ke band

aane wala kaun tha kis ka main rasta dekhta