KHwab palkon pe na Thahre to ghazal kahiyega
ḳhvāb palkoñ pe na Thahre to ġhazal kahiyegā
dard jab dil se na nikle to ġhazal kahiyegā
aap ne 'ishq kiyā hai to Thahariye thoḌā
jab lageñ 'ishq pe pahre to ġhazal kahiyegā
siskiyāñ qalb ke andar hī agar mar jaa.eñ
ashk āñkhoñ se na nikle to ġhazal kahiyegā
jab kaTeñ us ke taḳhayyul meñ hī har shām-o-sahar
zehn se jab vo na utre to ġhazal kahiyegā
jab samajh aane lage hijr kise kahte haiñ
kaifiyat maut sī guzre to ġhazal kahiyegā
munfarid rang ke ash'ār agar kahne hoñ
fikr jab qaid se nikle to ġhazal kahiyegā
KHwab palkon pe na Thahre to ghazal kahiyega
dard jab dil se na nikle to ghazal kahiyega
aap ne 'ishq kiya hai to Thahariye thoDa
jab lagen 'ishq pe pahre to ghazal kahiyega
siskiyan qalb ke andar hi agar mar jaen
ashk aankhon se na nikle to ghazal kahiyega
jab kaTen us ke taKHayyul mein hi har sham-o-sahar
zehn se jab wo na utre to ghazal kahiyega
jab samajh aane lage hijr kise kahte hain
kaifiyat maut si guzre to ghazal kahiyega
munfarid rang ke ash'ar agar kahne hon
fikr jab qaid se nikle to ghazal kahiyega
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
