KHizan-rasida daraKHt bola main ab ke KHud ko nikhaar lunga

ḳhizāñ-rasīda daraḳht bolā maiñ ab ke ḳhud ko nikhār lūñgā

jo phir se lauTī bahār kī rut to apnī hālat sañvār lūñgā

jo raas aa.e mujhe vo mahfil kabhī milī hai na mil sakegī

maiñ apne saare ġhamoñ ko siine meñ rakh ke jīvan guzār lūñgā

jo us ne chhoḌā to maiñ ne Thānī ki ab maiñ ḳhud ko hī vaqt dūñgā

maiñ ḳhud ko mahdūd rakh ke us se ḳhumār us kā utaar lūñgā

vo jab bhī bole to saarā majma' usī ko suntā hai dekhtā hai

vo jab bhī aa.egā rū-barū to maiñ lutf-e-āvāz-e-yār lūñgā

hazār-hā sā'atoñ ko maiñ us hasīn sā'at pe vaar duuñ jab

maiñ dekh kar kaj-adā kī saarī adā.eñ dil meñ utaar lūñgā

KHizan-rasida daraKHt bola main ab ke KHud ko nikhaar lunga

jo phir se lauTi bahaar ki rut to apni haalat sanwar lunga

jo ras aae mujhe wo mahfil kabhi mili hai na mil sakegi

main apne sare ghamon ko sine mein rakh ke jiwan guzar lunga

jo us ne chhoDa to main ne Thani ki ab main KHud ko hi waqt dunga

main KHud ko mahdud rakh ke us se KHumar us ka utar lunga

wo jab bhi bole to sara majma' usi ko sunta hai dekhta hai

wo jab bhi aaega ru-baru to main lutf-e-awaz-e-yar lunga

hazar-ha sa'aton ko main us hasin sa'at pe war dun jab

main dekh kar kaj-ada ki sari adaen dil mein utar lunga