kahun main kis se ye kar-e-siyah kis ne kiya

kahūñ maiñ kis se ye kār-e-siyāh kis ne kiyā

faqīr shaḳhs ko 'ālam-panāh kis ne kiyā

abhī bhī ḳhuun ke dhabbe haiñ jis ke dāman par

maiñ pūchhtā huuñ use sarbarāh kis ne kiyā

kabhī yahāñ bhī mohabbat ke phuul khilte the

tujhe ai shahr-e-vafā qatl-gāh kis ne kiyā

subūt saare the mere ḳhilāf ye sach hai

phir iḳhtilāt-e-safed-o-siyāh kis ne kiyā

nahīñ hai Thiik tirī be-niyāzī bhī zālim

jo ham ko pūchh rahā hai tabāh kis ne kiyā

ye kis ne aap ke hāthoñ meñ tāqateñ baḳhshīñ

'ra.īs' aap ko yuuñ kaj-kulāh kis ne kiyā

kahun main kis se ye kar-e-siyah kis ne kiya

faqir shaKHs ko 'alam-panah kis ne kiya

abhi bhi KHun ke dhabbe hain jis ke daman par

main puchhta hun use sarbarah kis ne kiya

kabhi yahan bhi mohabbat ke phul khilte the

tujhe ai shahr-e-wafa qatl-gah kis ne kiya

subut sare the mere KHilaf ye sach hai

phir iKHtilat-e-safed-o-siyah kis ne kiya

nahin hai Thik teri be-niyazi bhi zalim

jo hum ko puchh raha hai tabah kis ne kiya

ye kis ne aap ke hathon mein taqaten baKHshin

'rais' aap ko yun kaj-kulah kis ne kiya