jao tumhaari koi jaza-o-saza na ho
jaao tumhārī koī jazā-o-sazā na ho
bas chāhtā huuñ tum se mirā sāmnā na ho
terā shadīd guftugū kā dil kare kabhī
aur mujh se rābte kā koī rāsta na ho
insān hal nikālne meñ 'umr kaaT de
aisā bhī zindagī meñ koī mas.ala na ho
milnā ho pahlī baar pasandīda shaḳhs se
aur aadmī ko pahle koī tajraba na ho
dā'vat hai un ko aa.eñ mire paas baiThne
vo jin ke saath aur koī baiThtā na ho
maiñ us kā haath thaam ke baiThā huuñ ḳhauf se
aur sochtā huuñ mujh ko kahīñ vāhima na ho
'hassām' chāhtā huuñ maiñ shohrat kī bhiiḌ meñ
aisā koī bashar jo mujhe jāntā na ho
jao tumhaari koi jaza-o-saza na ho
bas chahta hun tum se mera samna na ho
tera shadid guftugu ka dil kare kabhi
aur mujh se rabte ka koi rasta na ho
insan hal nikalne mein 'umr kaT de
aisa bhi zindagi mein koi masala na ho
milna ho pahli bar pasandida shaKHs se
aur aadmi ko pahle koi tajraba na ho
da'wat hai un ko aaen mere pas baiThne
wo jin ke sath aur koi baiThta na ho
main us ka hath tham ke baiTha hun KHauf se
aur sochta hun mujh ko kahin wahima na ho
'hassam' chahta hun main shohrat ki bhiD mein
aisa koi bashar jo mujhe jaanta na ho
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
