har ek qadam pe andhera hai aadmi ke liye

har ik qadam pe añdherā hai aadmī ke liye

charāġh-e-shahr tarastā hai raushnī ke liye

'ajīb shahr hai marne pe laakh kāñdhe haiñ

sahārā koī nahīñ zinda aadmī ke liye

nasīb vāloñ ko miltā hai pyaar duniyā meñ

vagarna majnūñ bhaTaktā hai 'āshiqī ke liye

hameñ to shams-o-qamar se nahīñ hai koī ġharaz

ki ik charāġh hī kaafī hai raushnī ke liye

agarche kuchh nahīñ hāsil bharam to rakh legā

tarāsh lījiye but koī 'āshiqī ke liye

nasīb aisā ki shikve hazār bante haiñ

hai sabr aisā kī sar vaqf bandagī ke liye

unheñ ye zo'm ki ye husn un kā yaktā hai

hameñ ġhurūr ki marte haiñ 'āshiqī ke liye

'bilāl' hashr meñ kyā hogā zindagī kā hisāb

tamām 'umr ta'āqub hai ik ḳhushī ke liye

har ek qadam pe andhera hai aadmi ke liye

charagh-e-shahr tarasta hai raushni ke liye

'ajib shahr hai marne pe lakh kandhe hain

sahaara koi nahin zinda aadmi ke liye

nasib walon ko milta hai pyar duniya mein

wagarna majnun bhaTakta hai 'ashiqi ke liye

hamein to shams-o-qamar se nahin hai koi gharaz

ki ek charagh hi kafi hai raushni ke liye

agarche kuchh nahin hasil bharam to rakh lega

tarash lijiye but koi 'ashiqi ke liye

nasib aisa ki shikwe hazar bante hain

hai sabr aisa ki sar waqf bandagi ke liye

unhen ye zo'm ki ye husn un ka yakta hai

hamein ghurur ki marte hain 'ashiqi ke liye

'bilal' hashr mein kya hoga zindagi ka hisab

tamam 'umr ta'aqub hai ek KHushi ke liye