guzar raha tha main diye ki lau ke darmiyan se

guzar rahā thā maiñ diye kī lau ke darmiyān se

ye pahlā rābta thā merā dūsre jahān se

ḳhizāñ ke gyaan se badan tamām ḳhushk ho gayā

magar chaman numū bhī pā rahe haiñ mere dhyān se

ḳhabar nahīñ vo aag thī ki do diloñ kī laag thī

lagī to ghar ke saare ḳhvāb le ga.ī makān se

sivā.e ḳhāmushī ke hamd kā na thā mujhe dimāġh

jab ek keh diyā to do nahīñ kahā zabān se

sadā buland ho yahāñ to āftāb jaag uThe

shu'ā'-e-tez-rau subuk nahīñ mirī azaan se

bil-āḳhir ek saa.e ne use bhī 'aun' uchak liyā

milā thā jo chamaktā zar mujhe siyāh kaan se

guzar raha tha main diye ki lau ke darmiyan se

ye pahla rabta tha mera dusre jahan se

KHizan ke gyan se badan tamam KHushk ho gaya

magar chaman numu bhi pa rahe hain mere dhyan se

KHabar nahin wo aag thi ki do dilon ki lag thi

lagi to ghar ke sare KHwab le gai makan se

siwae KHamushi ke hamd ka na tha mujhe dimagh

jab ek keh diya to do nahin kaha zaban se

sada buland ho yahan to aaftab jag uThe

shu'a'-e-tez-rau subuk nahin meri azan se

bil-aKHir ek sae ne use bhi 'aun' uchak liya

mila tha jo chamakta zar mujhe siyah kan se