ek chingari ko aise wo hawa deta tha

ek chingārī ko aise vo havā detā thā

aag ke banñe se pahle hī bujhā detā thā

is tarah se vo charāġhoñ ko sazā detā thā

sub.h hote hī unheñ roz jalā detā thā

jaise hī koī nayā ḳhvāb sajātā thā maiñ

lams terā mujhe nīñdoñ se jagā detā thā

pūchhiye mat koī had mere ta'alluq kī ab

merā to haal vo āñkhoñ se batā detā thā

tanhā rahne kā use shauq lagā thā aisā

roz peḌoñ se parindoñ ko uḌā detā thā

kāTtā thā vo añdheroñ meñ jo Tahnī har shab

un ko phalne kī ujāloñ meñ du'ā detā thā

aa.ina jhuuT nahīñ boltā thā pahle kabhī

kis kī dastār giregī ye batā detā thā

ek chingari ko aise wo hawa deta tha

aag ke banne se pahle hi bujha deta tha

is tarah se wo charaghon ko saza deta tha

subh hote hi unhen roz jala deta tha

jaise hi koi naya KHwab sajata tha main

lams tera mujhe nindon se jaga deta tha

puchhiye mat koi had mere ta'alluq ki ab

mera to haal wo aankhon se bata deta tha

tanha rahne ka use shauq laga tha aisa

roz peDon se parindon ko uDa deta tha

kaTta tha wo andheron mein jo Tahni har shab

un ko phalne ki ujalon mein du'a deta tha

aaina jhuT nahin bolta tha pahle kabhi

kis ki dastar giregi ye bata deta tha