har taraf nur sa utar aaya

har taraf nuur sā utar aayā

aisā chehra hamāre ghar aayā

ham ne bhī jhelā zindagī ko magar

sab ko apnā hī dukh nazar aayā

koī ne'mul-badal zamīñ kā nahīñ

āsmāñ se maiñ jald utar aayā

tere pahlū kī mujh ko yaad aa.ī

raah meñ jab koī shajar aayā

maiñ tire baa'd bhī mukammal huuñ

aaj aisā mujhe nazar aayā

jeb majbūr kar rahī thī mujhe

is liye mulk chhoḌ kar aayā

dil to vaise bhī thā isī laa.iq

zaḳhm lekin jo ruuh par aayā

har taraf nur sa utar aaya

aisa chehra hamare ghar aaya

hum ne bhi jhela zindagi ko magar

sab ko apna hi dukh nazar aaya

koi ne'mul-badal zamin ka nahin

aasman se main jald utar aaya

tere pahlu ki mujh ko yaad aai

rah mein jab koi shajar aaya

main tere ba'd bhi mukammal hun

aaj aisa mujhe nazar aaya

jeb majbur kar rahi thi mujhe

is liye mulk chhoD kar aaya

dil to waise bhi tha isi laiq

zaKHm lekin jo ruh par aaya