har gam nafas ek girah kaT rahi hai
har gaam nafas ek girah kaaT rahī hai
lamhoñ kī chhurī bhī baḌī saffāk chhurī hai
chehroñ pe to hai vaqt kī tahzīb kā ġhāza
jismoñ pe ghanī gard kudūrat kī jamī hai
maiñ aaj kahāñ aayā huuñ sahrā se nikal kar
dīvānoñ kī ik bhiiḌ mire gird lagī hai
ummīd kī ḳhushbū se mahak uThtī haiñ sāñseñ
ehsās ko yādoñ kī havā chuum rahī hai
phir sang-zanī kā koī ilzām tarāsho
phir ḳhvāb se vahshat mirī bedār huī hai
jiine ke liye aao koī raah nikāleñ
marne ke liye to abhī ik 'umr paḌī hai
kis kis kī zabāñ pakḌoge is bhiiḌ meñ 'aiman'
ye shahr hai behtar yahāñ begāna-ravī hai
har gam nafas ek girah kaT rahi hai
lamhon ki chhuri bhi baDi saffak chhuri hai
chehron pe to hai waqt ki tahzib ka ghaza
jismon pe ghani gard kudurat ki jami hai
main aaj kahan aaya hun sahra se nikal kar
diwanon ki ek bhiD mere gird lagi hai
ummid ki KHushbu se mahak uThti hain sansen
ehsas ko yaadon ki hawa chum rahi hai
phir sang-zani ka koi ilzam tarasho
phir KHwab se wahshat meri bedar hui hai
jine ke liye aao koi rah nikalen
marne ke liye to abhi ek 'umr paDi hai
kis kis ki zaban pakDoge is bhiD mein 'aiman'
ye shahr hai behtar yahan begana-rawi hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
