tumne dekha kabhi nahin chhat par

tum ne dekhā kabhī nahīñ chhat par

chāñd lagtā hai kyā hasīñ chhat par

niiñd ko dafn kar duuñ bistar meñ

ḳhvāb rakh duuñ yahīñ kahīñ chhat par

bojh sar kā uThā na paa.e to

rakh dī chup-chāp ye jabīñ chhat par

maiñ use DhūñDtā sitāroñ meñ

vo mujhe DhūñDtī kahīñ chhat par

sehn tak aa ga.ī hai ābādī

so ga.ī hai kahīñ zamīñ chhat par

vahshateñ aa ga.ī haiñ kamroñ meñ

aur rahne lage makīñ chhat par

is qadar bārisheñ barasne se

kaun kartā hai ab yaqīñ chhat par

zindagī bojh ban ga.ī 'az.har'

dafn kar duuñ ise yahīñ chhat par

tum ne dekha kabhi nahin chhat par

chand lagta hai kya hasin chhat par

nind ko dafn kar dun bistar mein

KHwab rakh dun yahin kahin chhat par

bojh sar ka uTha na pae to

rakh di chup-chap ye jabin chhat par

main use DhunDta sitaron mein

wo mujhe DhunDti kahin chhat par

sehn tak aa gai hai aabaadi

so gai hai kahin zamin chhat par

wahshaten aa gai hain kamron mein

aur rahne lage makin chhat par

is qadar barishen barasne se

kaun karta hai ab yaqin chhat par

zindagi bojh ban gai 'azhar'

dafn kar dun ise yahin chhat par