اپنے مطلب کے لیے حد سے گزر جاتے ہیں
اپنے مطلب کے لیے حد سے گزر جاتے ہیں
وعدے کر کر کے یہاں لوگ مکر جاتے ہیں
زندہ رہنے کے جتن اپنی جگہ ہیں پیارے
وقت آ جائے تو بچتے نہیں مر جاتے ہیں
جس کو طوفان سے لڑنا ہے وہ چٹان بنے
ریت کے ڈھیر ہواؤں میں بکھر جاتے ہیں
تم سمجھدار ہو ہر کام کو سوچو سمجھو
ہم تو دیوانے ہیں جو ٹھان لیں کر جاتے ہیں
منفرد طرز پہ جیتے ہیں ہم اپنی دنیا
ہم جدھر بھیڑ نہیں جاتی ادھر جاتے ہیں
شدت غم سے نہیں ٹوٹنے والے ہم لوگ
ہم اداسی میں ذرا اور نکھر جاتے ہیں
مونیکاؔ یوں بھی نہیں روتی کبھی زخموں پر
اس کو معلوم ہے اک روز یہ بھر جاتے ہیں
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.