wo kahte hain use sabit karo mere muqabil ka

vo kahte haiñ use sābit karo mere muqābil kā

ġhazab meñ paḌ gayā maiñ naam le kar māh-e-kāmil kā

vo maqtal thā ki thī mere gale par teġh qātil kī

ye mahshar hai ki mere haath meñ dāman hai qātil kā

hamārā kyā guzar lekin hamārī tarjumānī ko

tumhārī bazm meñ kaafī hai ronā sham'-e-mahfil kā

bhalā tū aur mere sāmne dushman ke pahlū meñ

tujhe dekhūñ ki zālim rang dekhūñ terī mahfil kā

tumhīñ mālik sahī dil ke magar maiñ to ye kahtā huuñ

ki tum ne le ke dil mujh se phir āḳhir kyā kiyā dil kā

faqat is ḳhauf se kis kis ne un ko dekhiye dekhā

vo mujh ko dekh kar muñh dekhte haiñ saarī mahfil kā

vo kahte haiñ ki mere paas hī ab is ko rahne do

'qamar' tum kyā karoge le ke is TuuTe hue dil kā

wo kahte hain use sabit karo mere muqabil ka

ghazab mein paD gaya main nam le kar mah-e-kaamil ka

wo maqtal tha ki thi mere gale par tegh qatil ki

ye mahshar hai ki mere hath mein daman hai qatil ka

hamara kya guzar lekin hamari tarjumani ko

tumhaari bazm mein kafi hai rona sham'-e-mahfil ka

bhala tu aur mere samne dushman ke pahlu mein

tujhe dekhun ki zalim rang dekhun teri mahfil ka

tumhin malik sahi dil ke magar main to ye kahta hun

ki tum ne le ke dil mujh se phir aaKHir kya kiya dil ka

faqat is KHauf se kis kis ne un ko dekhiye dekha

wo mujh ko dekh kar munh dekhte hain sari mahfil ka

wo kahte hain ki mere pas hi ab is ko rahne do

'qamar' tum kya karoge le ke is TuTe hue dil ka