wafa ke zom mein dil kya nichhawar kar diya humne

vafā ke zo'm meñ dil kyā nichhāvar kar diyā ham ne

ki aur us be-vafā but ko sitam-gar kar diyā ham ne

koī dhartī kā muñh un ko dikhā de jo ye kahte haiñ

ki dhartī ko sitāroñ ke barābar kar diyā ham ne

bhulā dene kā kaam āsāñ nahīñ hotā magar ye bhī

kahā thā tū ne so tere kahe par kar diyā ham ne

batā.eñ kyā kisī patthar ko asbāb-e-ravānī ham

dikhā.eñ kyā ki dāman kis liye tar kar diyā ham ne

asar ho yā na ho lafzoñ meñ ye baat aur hai lekin

qalam kī nok ko dil kā lahū bhar kar diyā ham ne

hamārī zindagī koh-e-girāñ sar karne jaisī thī

so ye koh-e-girāñ bhī ek din sar kar diyā ham ne

wafa ke zo'm mein dil kya nichhawar kar diya hum ne

ki aur us be-wafa but ko sitam-gar kar diya hum ne

koi dharti ka munh un ko dikha de jo ye kahte hain

ki dharti ko sitaron ke barabar kar diya hum ne

bhula dene ka kaam aasan nahin hota magar ye bhi

kaha tha tu ne so tere kahe par kar diya hum ne

bataen kya kisi patthar ko asbab-e-rawani hum

dikhaen kya ki daman kis liye tar kar diya hum ne

asar ho ya na ho lafzon mein ye baat aur hai lekin

qalam ki nok ko dil ka lahu bhar kar diya hum ne

hamari zindagi koh-e-giran sar karne jaisi thi

so ye koh-e-giran bhi ek din sar kar diya hum ne