jaan-e-man mat hanso mere haalat par

jān-e-man mat hañso mere hālāt par

garche tum ko yaqīñ hai mukāfāt par

sach to ye hai ki mehr-o-vafā kuchh nahīñ

har ta'alluq hai qaa.em mafādāt par

rahm aatā nahīñ tum ko hai zālimo

in ġharīboñ yatīmoñ ke hālāt par

shukr us zaat kā jis kī hai ye 'atā

rashk kis baat kā in kamālāt par

apne yāroñ kī jo muḳhbirī par mileñ

thūknā bhī nahīñ aise tamġhāt par

tum ne badle haiñ sau martaba faisle

maiñ khaḌā thā khaḌā huuñ isī baat par

baat 'hāmī' kī ho aur mudallal na ho

thoḌā qaabū rakho apne jazbāt par

jaan-e-man mat hanso mere haalat par

garche tum ko yaqin hai mukafat par

sach to ye hai ki mehr-o-wafa kuchh nahin

har ta'alluq hai qaem mafadat par

rahm aata nahin tum ko hai zalimo

in gharibon yatimon ke haalat par

shukr us zat ka jis ki hai ye 'ata

rashk kis baat ka in kamalat par

apne yaron ki jo muKHbiri par milen

thukna bhi nahin aise tamghat par

tum ne badle hain sau martaba faisle

main khaDa tha khaDa hun isi baat par

baat 'hami' ki ho aur mudallal na ho

thoDa qabu rakho apne jazbaat par