hum unki hi yaadon ki tilawat mein lage hain

ham un kī hī yādoñ kī tilāvat meñ lage haiñ

vo ġhair se milne kī jasārat meñ lage haiñ

jazbāt ke bāzār meñ ab qadr hī kyā hai

tājir to khule dil kī tijārat meñ lage haiñ

insāf ke mandir meñ tamāshā hai 'ajab sā

hākim bhī sar-e-'ām ḳhayānat meñ lage haiñ

ik 'umr se luTte hue dekhā hai chaman ko

phir bhī ye purānī hī rivāyat meñ lage haiñ

is shahr ke hālāt batāte haiñ barābar

kuchh log amīroñ kī himāyat meñ lage haiñ

duniyā kī jafāoñ se 'azīm' uub chukā hai

log apne hī apnoñ kī shikāyat meñ lage haiñ

hum un ki hi yaadon ki tilawat mein lage hain

wo ghair se milne ki jasarat mein lage hain

jazbaat ke bazar mein ab qadr hi kya hai

tajir to khule dil ki tijarat mein lage hain

insaf ke mandir mein tamasha hai 'ajab sa

hakim bhi sar-e-'am KHayanat mein lage hain

ek 'umr se luTte hue dekha hai chaman ko

phir bhi ye purani hi riwayat mein lage hain

is shahr ke haalat batate hain barabar

kuchh log amiron ki himayat mein lage hain

duniya ki jafaon se 'azim' ub chuka hai

log apne hi apnon ki shikayat mein lage hain