KHair mango ki kahin ye na ghazab ho jae

ḳhair māñgo ki kahīñ ye na ġhazab ho jaa.e

markaz-e-āh-o-fuġhāñ shahr-e-tarab ho jaa.e

kyā bharosa hai mohabbat meñ 'ajab ho jaa.e

us se milnā hī bichhaḌne kā sabab ho jaa.e

be-qarārī meñ sulagte haiñ musalsal din raat

'ishq hotā hai balā-ḳhez ye jab ho jaa.e

rut bichhaḌne kī hai maiñ sochtā rahtā huuñ yahī

kyā ḳhabar vo judā kis moḌ pe kab ho jaa.e

vo kisī roz agar khol le gesū apne

'ain-mumkin hai ki phir din meñ hī shab ho jaa.e

merī ḳhushiyoñ ko na lag jaa.e kahīñ yaar nazar

merā hañsnā mire rone kā sabab ho jaa.e

KHair mango ki kahin ye na ghazab ho jae

markaz-e-ah-o-fughan shahr-e-tarab ho jae

kya bharosa hai mohabbat mein 'ajab ho jae

us se milna hi bichhaDne ka sabab ho jae

be-qarari mein sulagte hain musalsal din raat

'ishq hota hai bala-KHez ye jab ho jae

rut bichhaDne ki hai main sochta rahta hun yahi

kya KHabar wo juda kis moD pe kab ho jae

wo kisi roz agar khol le gesu apne

'ain-mumkin hai ki phir din mein hi shab ho jae

meri KHushiyon ko na lag jae kahin yar nazar

mera hansna mere rone ka sabab ho jae