humse mil kar jo hum jaise hote hain
ham se mil kar jo ham jaise hote haiñ
asl meñ kab vo log hamāre hote haiñ
jaane kis din kūza-gar ye samjhegā
ḳhaak ke bhī kuchh apne sapne hote haiñ
āñkhoñ ko bīnā.ī chubhne lagtī hai
duniyā meñ kuchh manzar aise hote haiñ
ḳhud se itnī duurī rakhnā Thiik nahīñ
vus'at se to dariyā uthle hote haiñ
un ke bichhaḌne kā dukh kam hī hotā hai
jo nazroñ se utar ke bichhḌe hote haiñ
hum se mil kar jo hum jaise hote hain
asl mein kab wo log hamare hote hain
jaane kis din kuza-gar ye samjhega
KHak ke bhi kuchh apne sapne hote hain
aankhon ko binai chubhne lagti hai
duniya mein kuchh manzar aise hote hain
KHud se itni duri rakhna Thik nahin
wus'at se to dariya uthle hote hain
un ke bichhaDne ka dukh kam hi hota hai
jo nazron se utar ke bichhDe hote hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
