shuuri tajrabe se din guzarne wale

shu'ūrī tajrabe se din guzārne vaale

'ajīb log haiñ naqleñ utārne vaale

ḳhudā milā na sukūñ āḳhrī dinoñ meñ bhī

ḳhamosh ho ga.e qismat sañvārne vaale

hasīn laḌkī mohabbat koī nisāb nahīñ

ki Taap kar leñ ise raTTā mārne vaale

unhī se aaj mirī jaañ ko ḳhatra lāhiq hai

kabhī jo log the jaañ mujh pe vārne vaale

shu'ūr-e-zīst bhī dete na.ī bahār ke saath

lahū kī buuñd meñ ehsās ubhārne vaale

vo din kahāñ ga.e jab tū ḳhudā banā huā thā

ai bebasī meñ ḳhudā ko pukārne vaale

shu'uri tajrabe se din guzarne wale

'ajib log hain naqlen utarne wale

KHuda mila na sukun aaKHri dinon mein bhi

KHamosh ho gae qismat sanwarne wale

hasin laDki mohabbat koi nisab nahin

ki Tap kar len ise raTTa marne wale

unhi se aaj meri jaan ko KHatra lahiq hai

kabhi jo log the jaan mujh pe warne wale

shu'ur-e-zist bhi dete nai bahaar ke sath

lahu ki bund mein ehsas ubhaarne wale

wo din kahan gae jab tu KHuda bana hua tha

ai bebasi mein KHuda ko pukarne wale