do chaar din ki mohlat hai sath kaTne ki

do chaar din kī mohlat hai saath kāTne kī

haiñ din guzārne ke aur raat kāTne kī

jiine ko har kisī ko ye zindagī milī hai

ham ko milī hai sātoñ kī saat kāTne kī

tum 'umr kāTne kī jis ghar meñ sochtī ho

ham ko lagī hai us meñ barsāt kāTne kī

rokā gayā hai donoñ ko haath thāmne se

so aa ga.ī hai naubat ab haath kāTne kī

kyuuñ kāTtā nahīñ hai vo ab mirī lakīreñ

'ādat hai 'harsh' jis kī har baat kāTne kī

do chaar din ki mohlat hai sath kaTne ki

hain din guzarne ke aur raat kaTne ki

jine ko har kisi ko ye zindagi mili hai

hum ko mili hai saton ki sat kaTne ki

tum 'umr kaTne ki jis ghar mein sochti ho

hum ko lagi hai us mein barsat kaTne ki

roka gaya hai donon ko hath thamne se

so aa gai hai naubat ab hath kaTne ki

kyun kaTta nahin hai wo ab meri lakiren

'adat hai 'harsh' jis ki har baat kaTne ki