aashna bhi aap ka na-ashna ho jaega
āshnā bhī aap kā nā-āshnā ho jā.egā
bebasī kī shab meñ har saaya judā ho jā.egā
gar yuuñ hī ḳhāmoshiyoñ kī maslahat chaltī rahī
aur kuchh lambā sitam kā silsila ho jā.egā
dūsroñ ke ġham ko apnā ġham banā leñ ham agar
dosto phir dard hī ik din davā ho jā.egā
yuuñ hī gar ālūdgī is shahr kī baḌhtī rahī
saañs bhī lenā yahāñ ik mas.ala ho jā.egā
zikr apne dard kā 'e'jāz' mat karnā kabhī
hāl-e-ġham kahte hī terā ġham sivā ho jā.egā
aashna bhi aap ka na-ashna ho jaega
bebasi ki shab mein har saya juda ho jaega
gar yun hi KHamoshiyon ki maslahat chalti rahi
aur kuchh lamba sitam ka silsila ho jaega
dusron ke gham ko apna gham bana len hum agar
dosto phir dard hi ek din dawa ho jaega
yun hi gar aaludgi is shahr ki baDhti rahi
sans bhi lena yahan ek masala ho jaega
zikr apne dard ka 'e'jaz' mat karna kabhi
haal-e-gham kahte hi tera gham siwa ho jaega
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
