nami ka nishan tak nahin ghas par
namī kā nishāñ tak nahīñ ghaas par
ghaTā.eñ barastī rahīñ raat bhar
badan hai ki bahtī huī chāñdnī
lahū hai ki jaltī huī do-pahar
na.e abr-e-rahmat se Darne lage
purāne makānoñ ke dīvār o dar
kahīñ hañs rahī hogī vo is samay
maiñ chup ho gayā huuñ yahī soch kar
zamāna huā tujh ko dekhe hue
kabhī ḳhvāb kī sīḌhiyoñ se utar
tirī yaad aate hī yaad aa gayā
ghane jangaloñ meñ havā kā safar
koī kab kisī kā huā hai yahāñ
maiñ 'irshād' sab jāntā thā magar
nami ka nishan tak nahin ghas par
ghaTaen barasti rahin raat bhar
badan hai ki bahti hui chandni
lahu hai ki jalti hui do-pahar
nae abr-e-rahmat se Darne lage
purane makanon ke diwar o dar
kahin hans rahi hogi wo is samay
main chup ho gaya hun yahi soch kar
zamana hua tujh ko dekhe hue
kabhi KHwab ki siDhiyon se utar
teri yaad aate hi yaad aa gaya
ghane jangalon mein hawa ka safar
koi kab kisi ka hua hai yahan
main 'irshad' sab jaanta tha magar
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
