kabhi uruj ki hai aur kabhi zawal ki hai
kabhī 'urūj kī hai aur kabhī zavāl kī hai
ye dāstān-e-mohabbat bhī kyā kamāl kī hai
ġham-e-hayāt se dil-āshnā huā kaise
hameñ jo fikr hai to bas isī savāl kī hai
hameñ to guzre hue ho chukī haiñ ab sadiyāñ
tumheñ ḳhabar jo milī kis ke intiqāl kī hai
vo jis ḳhayāl ne phūloñ se ḳhushbueñ pā.īñ
tumhāre jism kī ḳhushbū usī ḳhayāl kī hai
zarā jo bārisheñ barsīñ to raqs karne lage
ye peḌ-paudoñ meñ mastī usī dhamāl kī hai
kabhi 'uruj ki hai aur kabhi zawal ki hai
ye dastan-e-mohabbat bhi kya kamal ki hai
gham-e-hayat se dil-ashna hua kaise
hamein jo fikr hai to bas isi sawal ki hai
hamein to guzre hue ho chuki hain ab sadiyan
tumhein KHabar jo mili kis ke intiqal ki hai
wo jis KHayal ne phulon se KHushbuen pain
tumhaare jism ki KHushbu usi KHayal ki hai
zara jo barishen barsin to raqs karne lage
ye peD-paudon mein masti usi dhamal ki hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
