hum dard ke mare hain bahut tang hawa mein
ham dard ke maare haiñ bahut tang havā meñ
darvāzoñ kī hotī hai 'ajab jang havā meñ
ehsās na ho jism ko ye baat alag hai
uḌte hue milte haiñ ka.ī sang havā meñ
laayā hai unheñ aañkh meñ barsāt kā mausam
bādal kī vahī chaal vahī rang havā meñ
mauqa' hai ki 'aks-e-ġham-e-hālāt ko dekhūñ
har zaḳhm ke shīshe se uḌā zang havā meñ
ai 'kaif' Thahar jaate haiñ har gaam pe zarre
aayā na masāfat kā abhī Dhang havā meñ
hum dard ke mare hain bahut tang hawa mein
darwazon ki hoti hai 'ajab jang hawa mein
ehsas na ho jism ko ye baat alag hai
uDte hue milte hain kai sang hawa mein
laya hai unhen aankh mein barsat ka mausam
baadal ki wahi chaal wahi rang hawa mein
mauqa' hai ki 'aks-e-gham-e-haalat ko dekhun
har zaKHm ke shishe se uDa zang hawa mein
ai 'kaif' Thahar jate hain har gam pe zarre
aaya na masafat ka abhi Dhang hawa mein
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.